Dezembro 2014

31 Dezembro 2014

Feliz 2015.

Que el mañana siempre sea mejor.

by tempoganado on Qua, 31/12/2014 - 01:26

Solidaridad

01 Dezembro 2014

CAMPAÑA CONTRA A VIOLENCIA MACHISTA. "CORTA CO MACHISMO. Está na túa man" 1

O COLECTIVO FEMININO “FRAGA DAS SAÍMAS” PON EN MARCHA UNHA CAMPAÑA CONTRA A VIOLENCIA MACHISTA BAIXO O LEMA “CORTA CO MACHISMO. Está na túa man”

As socias do colectivo Fraga das Saímas veñen de poñer en marcha a campaña CORTA CO MACHISMO. Está na túa man! con motivo da conmemoración do 25 de novembro e coa que o colectivo feminino pretende denunciar o machismo social e institucional que está presente na realidade do día a día da nosa sociedade actual co obxecto de que tod@s castiguemos eses comportamentos machistas, porque O MACHISMO MATA, e así lograr entre tod@s avanzar cara a eliminación deste virus mortal cada vez máis enquistado na nosa sociedade.

O Colectivo Fraga das Saímas repartirá camisetas (prezo simbólico de 2,5 € para as socias e 3 € para o resto) co slogan da campaña e distribuirá os folletos da campaña “Corta co Machismo” a través das membros da asociación, do seu blog http//mulleresfragadassaimas.blogspot.com e librerías e tendas de Viveiro. Folletos nos que, as persoas que participen nesta campaña de denuncia e concienciación, atoparán no seu interior o crucigrama "non xogues co machismo" que deberán resolver axudándose de 20 mostras de machismo que aparecen relatadas neste folleto e que no caso de o resolveren correctamente e de seren unha das cinco primeiras persoas que achegan a resolución do mesmo á asociación, ben vía correo electrónico (fragadassaimas@gmail.com), mensaxe privado ao facebook (fragadassaimas..), whastsApp (tfo. 628681118) ou entregándoo persoalmente á presidenta, que dará fé da data e hora de recepción, recibirán gratuitamente unha camiseta da campaña e ademais a gañadora será convidada ao concerto de Lydia Botana (Bolboreta) e a unha cea de confraternidade co colectivo feminino que celebrarán o sábado 20 de decembro.

by Fragadassaimas on Seg., 01/12/2014 - 11:15

Violencia_género

01 Dezembro 2014

CELEBRACIÓN DA VII FESTA DO MAGOSTO TOMA CASTAÑAS CON ISABEL RISCO 7

Overbooking no salón-teatro do Centro sociocultural de San Andrés de Boimente para ver o espectáculo de “Nabiza Girl” da televisiva Isabel Risco.

A ACTRIZ ISABEL RISCO NAMOROU AO PÚBLICO ASISTENTE Á VIIª FESTA MAGOSTEIRA DO COLECTIVO “FRAGA DAS SAÍMAS"

A Directiva Fraga das Saímas contou na súa VIIª Edición do Magosto, Toma castañas! coa presencia de Isabel Risco, unha das actrices máis queridas e televisivas da galega e premio “Mestre Mateo” na categoría de mellor actriz de reparto.

O público asistente á festa magosteira do pasado sábado 15 de novembro abarrotou o salón-teatro do Centro Sociocultural de San Andrés onde a actriz coruñesa, logo do acto de benvida da presidenta do colectivo organizador, contou sen tregua nin descanso a historia de Chelo García Naveira, máis coñecida como Nabiza Girl, unha superheroína galega e rural que narra as súas aventuras e desventuras. Unha actuación brillante á de Isabel Risco que fixo as delicias do público coa súa inventiva e o seu humor do país. Rematado este trepidante espectáculo o público tivo ocasión de fotografarse coa humorista que se prestou en todo momento para facerse o fotocol de rigor coas súas admiradoras/ es.

E para repoñer as enerxías dos case un cento de asistentes ao magosto veciñal, membros da Directiva e socias voluntarias do colectivo “Fraga das Saímas” servíronlles a tod@s os convidad@s castañas asadas, lacóns, chourizos, bebidas, postres e café.

Esta noite magosteira e de troula tamén contou coa presenza do dúo máis querido polas socias e veciños da parroquia, o Dúo Suso, que fixo coa súa música que nesta noite de festa e parranda o público se entregara á maravillosa arte de bailar ata pasadas a 1.30 horas da madrugada.

A Directiva da Fraga das Saímas agradece a asistencia das súas sócias, familiares, veciños e amigos do colectivo ao Magosto-2014 e anímaos a participar con igual entrega na campaña contra a violencia machista que vai poñer en marcha o colectivo feminino a semana do 25N.

by Fragadassaimas on Seg., 01/12/2014 - 11:13

01 Dezembro 2014

CELEBRACIÓN DE XORNADAS MICOLÓXICAS E GASTRONÓMICAS DE COGOMELOS-2014 1

UNHA VEINTENA DE AMANTES DO MUNDO DA MICOLOXÍA PARTICIPARON NA IIª EDICIÓN DAS XORNADAS MICOLÓXICAS E GASTRONÓMICAS DE COGOMELOS ORGANIZADAS POLO COLECTIVO DE MULLERES FRAGA DAS SAÍMAS

O Centro Socio-cultural de Santo André de Boimente ven de acoller con grande éxito de participación as Xornadas Micolóxicas e Gastronómicas de Cogomelos no Buio que organizou por segundo ano consecutivo o colectivo feminino Fraga das Saímas. Para a organización destas xornadas contaron coa colaboración do enxeñeiro agrónomo, Marcos Besada, titular da tenda agroecolóxica Estruga.

As xornadas, que se celebraron durante todo o día do sábado 25 de outubro, deron comezo ás 10.00 horas no Centro Socio-cultural de Santo André de Boimente, onde se citaron alum@s e técnicos. Logo de dar, por parte da secretaria do colectivo organizador, a benvida a tod@s e entregarlles as bases do concurso de cestas e composición de

setas, ao cal se sumaron máis de dez participantes, a Micóloga e Licenciada en Ciencias Ambientais (Rita Cid) impartiu unha charla onde deu unhas nocións básicas sobre algunhas das 165 diferentes especies de cogomelos e champiñóns existentes en Galicia. Durante a mesma @s asistentes aproveitaron para resolver dúbidas e facerlle todo tipo de consultas. Ao remate desta charla-debate a Presidenta da asociación procedeu a sortear entre @s asistentes un exemplar da Guía Micolóxica dos ecosistemas galegos, recaendo nas mans da afortunada Merche, socia do colectivo Fraga das Saímas.

Rematada a charla o grupo partiu cara aos montes do Buio e Lerín para poñer en práctica o aprendido e coñecer de primeira man a riqueza micolóxica e valor ambiental dos montes veciñais en man común de Santo André de Boimente.

Logo de estar recorrendo durante máis de catro horas diferentes veredas dos Montes do Buio, así como da propia Fraga das Saímas, cunha pequena parada para xantar no Refuxio do Candaoso, o grupo de aficionados á Micoloxía voltaron ao Centro Socio-Cultural para, un grupo dos participantes e da man da Micóloga Rita Cid, seleccionar as variedades recollidas e proceder á limpeza, mentras as participantes do concurso de cestas e composición de setas decoraban as súas cestas e dábanlles os últimos retoques antes de que o xurado se reunirá para emitir un veredito. Ao mesmo tempo, o multifacético Marcos Besada, acompañado do seu equipo, preparou diversos pratos (revoltos de níscalos, arroz con boletus e mazás, etc…) elaborados a base de boletus edulis e Bayo, Macrolepiotas, Cantarelas e Níscalos, para a degustación culinaria onde cerca de trinta comensales deron boa conta de todos os pratos, incluído postre e café.

As gañadoras do concurso de Cestas e composición de setas, ao que se presentaron once maravillosas cestas, segundo o veredito unánime dos membros do xurado calificador foron as irmás, Inés e Luisa, que se levaron como premio unha cesta composta dun lote de produtos ecolóxicos galegos de tempada (Queixo arqueixal, As Maruxas de Nata, Crema Marrón Glassé, Cervexa artesanal Aloumiña, Sidra Maeloc, tostas de pan Mariñeiras con algas, etc.), pechando así con grande éxito e satisfacción por parte dos asistentes e do colectivo organizador as IIª Xornadas Micolóxicas e gastronómicas de cogomelos.

Por último, cabe resaltar que a Directiva Fraga das Saímas celebra sempre a visita aos montes do Buio de todas as persoas amantes do mundo da micoloxía, posto que saben que son respetuosas coa natureza e o patrimonio veciñal, mais expresan o seu profundo rexeitamento á entrada masiva, que vimos constatando nos últimos anos, de persoas alleas á comunidade veciñal cuxo único fin seu é a recollida incontrolada de cogomelos, esquilmando os recursos naturais do monte e coa consecuente perda dunha fonte de riqueza extraordinariamente importante para os nosos ecosistemas.