:: RuraisLAB ::

Setembro 2014

28 Setembro 2014

EXPOSICIÓN FESTA DO VIÑO 2014.

Los días 29, 30 y 31 de agosto (viernes, sábado y domingo respectivamente) se celebró la Festa do Viño en Salvaterra de Miño con exposición y venta de los trabajos de alumnas de cursos de nuestra asociación: Manualidades, Pintura al óleo y Patchwork, en la casa del Conde y las minas de Dª Urraca.

Unos trabajos, con muchas horas y mucha maestría, metidos ahí para deleite de todo el que tuvo oportunidad de acercarse a este evento anual.

Una muestra del trabajo de nuestras artistas (fotos cedidas por la Vicepresidenta Estrella y la Secretaria Victoria):

by tempoganado on Dom, 28/09/2014 - 21:32

23 Setembro 2014

TURISTEANDO POR TERRAS LUCENSES-2014

A CIDADE DE LUCUS AUGUSTI ABREU AS SÚAS PORTAS AS/OS VIAXEIRAS/OS DO COLECTIVO FRAGA DAS SAÍMAS “TURISTEANDO POR TERRAS LUCENSES”

Esta fin de semana medio cento de persoas embarcáronse co colectivo de mulleres Fraga das Saímas nunha nova aventura do programa Turisteando por Terras Lucenses.

Nesta ocasión os aventureiros viaxaron ata o Concello de Castro de Rei para coñecer o Aeródromo de Rozas, que foi construído durante a 2ª guerra mundial polos alemáns e o cal no ano 1949 convertiuse no aeroporto central de Galicia, mentras se construía o aeroporto de Lavacolla. Durante a súa estadía visitaron o exterior da Torre de control e as instalacións ((hangar, plataforma das aeronaves, etc.) do Real Aero Club de Lugo, que está a xestionar este aérodromo desde os anos 60.

Satisfeita a curiosidade do grupo de viaxeir@s continuaron a ruta ata o Concello de Palas de Rei, onde visitaron a Granxa de Ecoagroturismo Arqueixal para descubrir os segredos deste novidoso negocio familiar que non so se dedica á produción de queixo , iogur e leite fresco ecolóxico senón que promoven un estilo de vida que é o reflexo fiel do seu amor á terra, e están na procura de valorizar as prácticas ancestrais e promover un desenvolvemento rural sustentábel, demostrativo é didáctico a través de múltiples actividades culturais como é as exitosas xornadas teatrais Son d´Aldea, que xa van pola súa cuarta edición. Durante a visita guiada polas súas instalacións tiveron ocasión de coñecer o modelo de granxa desenvolvido por Arqueixal nos últimos anos, así como o proxecto de recuperación dun conxunto de casas rurais (A Palleira, a Casa do Muiñeiro, a Caseta das Andoriñas e o Pallar das Ameixeiras), seguindo os principios de arquitectura ecolóxica e técnicas de bioconstrución, que adican ao turismo rural. No edificio, coñecido como O Parladoiro puideron ver un audiovisual sobre a elaboración artesanal do afamado queixo con denominación de orixe Arzúa-Ulloa, visitaron a Casa da Rebordela (unha casa de labranza galega de tempos preindustriais) e participaron dunha degustación de iogur e queixo fresco ecolóxico.

Logo de despedirse da familia de Arqueixal puxeron rumbo ao restaurante Terras do Miño enclavado en pleno paseo do Río Rato, e instalado no que foi un vello muíño, onde as e @s viaxeir@s repuxeron as forzas coa súa excelente cociña.

Unha vez rematados os postres @s viaxeir@s desprazáronse ata o Hotel-Balneario de Lugo para visitar os restos das famosas Termas Romanas, unha obra de enxeñeiría dos arquitectos romanos construídas para o disfrute e a saúde corporal. E de aí ao Casco histórico da cidade de Lucus Augusti para coñecer a súa historia paseando da man dunha guía local pola Praza Maior, a Praza de Santa María e a Praza do Campo e visitando a Catedral e o Centro de Interpretación da Muralla. Pero tampouco podía faltar o paseo de rigor, ao que se apuntaron os máis andaríns, polo adarve da Muralla de Lugo, Patrimonio da Humanidade.

@s viaxeir@s, antes de voltar para a Mariña, remataron a aventura de Turisteando por Terras Lucenses disfrutando das terrazas e bares da capital. Xa no autobús de volta a Directiva agradece a participación neste programa ás 52 persoas e infórmalles que a próxima actividade de Fraga das Saímas será a celebración da 2ª Edición das Xornadas Micolóxicas e Gastronómicas de Cogomelos que se desenvolverán no mes de outubro.

by Fragadassaimas on Ter, 23/09/2014 - 14:50

23 Setembro 2014

TURISTEANDO POR TERRAS LUCENSES-2014

A CIDADE DE LUCUS AUGUSTI ABREU AS SÚAS PORTAS AS/OS VIAXEIRAS/OS DO COLECTIVO FRAGA DAS SAÍMAS “TURISTEANDO POR TERRAS LUCENSES”

Esta fin de semana medio cento de persoas embarcáronse co colectivo de mulleres Fraga das Saímas nunha nova aventura do programa Turisteando por Terras Lucenses.

by Fragadassaimas on Ter, 23/09/2014 - 14:50

23 Setembro 2014

CELEBRACIÓN EXITOSA DA VIª EDICIÓN DO DÍA DA SOCIA "FRAGA DAS SAÍMAS" 2

A participación da veciñanza na VIª Edición do Día da Socia “Fraga das Saímas” superou todas as previsións da Directiva que non puido atender as peticións de última hora.

MÚSICA E MALABARISMO CON “NOVA SEMENTEIRA” E “ASACOCIRCO” NA EXITOSA CELEBRACIÓN DO “DÍA DA SOCIA” ORGANIZADA POLO COLECTIVO FRAGA DAS SAÍMAS.

A Directiva da Asociación Fraga das Saímas ven

de organizar este sábado, 2 de agosto, a VIª Edición da Sardiñada do Candaoso con motivo da celebración do Día da Socia-2014.

O colectivo Fraga das Saímas elixiu por sexto ano consecutivo a explanada do curro do Candaoso como o lugar ideal para gozar dunha xornada de convivencia cos seus familiares e amigos.

A preparación da rica sardiñada con cachelos, acompañada de lacón asado, empanadas e chourizos correu a cargo das membros da Directiva acompañadas das súas inestimables e voluntariosas/os socias e amigos que comezaron a preparar esta xornada gastronómica a partires das 12.00 horas. Este gran equipo de voluntarios (Paco, ao fronte das barbacoas, Carmiña, Merche, Inés, Gelines, Suso, Camilo, Salva, Josefina, Fina...) fixo posible que un ano máis a Sardiñada do Candaoso fora un éxito e que o cento de socias, familiares e convidados asistentes á celebración do Día da Socia da Fraga das Saímas gozaran degustando un suculento xantar en compañía dos seus achegadados e veciños.

Mentras os voluntarios preparaban todo para recibir aos máis de cen invitados, o grupo de gaitas de Nova Semente, tocaron un amplo abano pezas musicais tradicionais ao tempo que ían chegando as socias e amigos. Os asistentes disfrutaron da actuación do grupo viveirense ao longo de dúas horas.

Logo do xantar os convidados tiveron ocasión de ver o espectáculo circense da compañía pontevedresa Asacocirco que durante unha hora fixo as delicias dos máis pequenos e non tan pequenos con sorprendentes malabares e o seu espectáculo “Casal en Risco”.

Rematado este espectáculo a Directiva convidou aos asistentes a participar nos xogos de mesa e na búsqueda dun tesouro, onde o equipo gañador de Inés Martínez obtivo como premio a participación no roteiro cultural “Turisteando por Terras Lucenses” proxectado polo colectivo “Fraga das Saímas” para o mes de setembro.

Pasadas as 20.30 h. da tarde as socias e convidados comezaron a retirarse, non sen antes anotarse xa máis de 28 persoas para participar no roteiro cultural “Turisteando por Terras Lucenses”.