RSS

10 Junio 2014

VIAXE A TERRAS CÁNTABRAS +  

A CUEVA DEL SOPLAO E A PENÍNSULA DA MAGDALENA, ENTRE OS DESTINOS TURÍSTICOS ELEXIDOS POLO COLECTIVO FRAGA DAS SAÍMAS DURANTE A SÚA VISITA A TERRAS CÁNTABRAS.

Máis de medio cento de persoas veñen de gozar coa asociación Fraga das Saímas  dunha fin de semana de ocio, tempo libre e cultura por terras cántabras organizada polo colectivo feminino en colaboración con viaxes Lucus.

O pasado sábado, 7 de xuño, o colectivo de San Andrés de Boimente partiu cara a terras cántabras, acompañado dun nutrido grupo amantes da aventura. Logo dunha  parada en Cudillero, na que os viaxeiras/os pasearon e disfrutaron da beleza desta pequena vila mariñeira, a expedición desembarcou en Santillana del Mar para visitar o Museo Nacional de Altamira, Centro para a conservación, investigación e difusión da Cueva de Altamira, onde tamén tiveron ocasión de coñecer a exposición permanente “Los tiempos de Altamira” e a Neocueva, unha réplica artificial case perfecta das covas orixinais. Xa pola tarde, arribaron en Santander, onde gozaron dunha visita panorámica guiada pola cidade e unha ruta a pé polo centro,  achegándose ao interior das dúas igrexas que conforman a singular  Catedral da Nosa Señora da Asunción. Logo deste recorrido polo casco da cidade os excursionistas desprazáronse ata a Península da Magdalena para disfrutar da beleza da súa contorna, do Real Pazo da Magdalena (monumento declarado monumento histórico-artístico no 1982) e dos pingüíns, focas, leóns mariños e patos que alberga o mini ZOO. O grupo clausurou este intenso e apaixoante día disfrutando dunha espléndida cea servida no hotel Viadero e paseando pola encantadora vila de Noja.

O Domingo a mañá, o grupo trasladouse á vila mariñeira de Santoña, onde coñeceron de primeira man o proceso de limpeza, envasado e comercialización das famosas anchoas durante a visita a unha das súas fábricas conserveiras tradicionais de anchoas. A mediodía e cun clima inmellorable o grupo embarcou no Villa-Fuica para disfrutar durante unha hora da ruta 3 mares. Marismas, Bahía e Acantilados. Antes de abandoar esta vila de profunda vocación mariñeira, o grupo tivo ocasión de falar co activista francés pola paz, Joel Butón, o cal recordaba con cariño o seu paso por Viveiro. Joel leva máis de 14 anos viaxando por todo o continente europeo reclamando a eliminación das minas antipersoas.

Logo do xantar o grupo colleu rumbo a Rionansa para adentrarse na Cueva de El Soplao ou tamén coñecida como a Capilla Sixtina da xeoloxía, un excepcional patrimonio de arqueoloxía mineira de algo máis de 30 kms. de galería, planos inclinados ou castilletes e onde o grupo de aventureiras/os tiveron unha oportunidade única para admirar a abundante e complexa diversidade de formacións excéntricas que atesoura esta cavidade.

Xa de camiño a casa, e antes de despedir ao grupo, a Presidenta da asociación Fraga das Saímas deilles as grazas por acompañar nesta aventura cántabra ao colectivo feminino e a súa confianza amosada na entidade de San Andrés, e prometeu que o colectivo intentaría seguir  programando novas viaxes e sorpresas “para todos aqueles e aquelas que gocen acompañándonos na nosa andaina viaxeira”. 

13 Mayo 2014

FESTA DA LINGUA GALEGA. EDICIÓN 2014 +  

MEDIO CENTO DE SOCIAS E VECIÑOS CELEBRARON A FESTA DAS LETRAS GALEGAS, CO COLECTIVO FRAGA DAS SAÍMAS, GOZANDO DO TEATRO DE “ÁRDORA” E O FOTOCOL DE “GÚSTAME O GALEGO”
  
O colectivo Fraga das Saímas ven de celebrar, no Centro Socio-Cultural de Sto. André de Boimente, a súa Festa das Letras Galegas 2014 a pasada tarde-noite do sábado, 10 de maio, e cuxo Día das Letras se lle adica este ano ao poeta dos Vilares de Parga,  X. M. Díaz Castro.
 
 Os actos de homenaxe ás Letras Galegas e á nosa lingua deron comezo ás 18.00 horas coa benvida da presidenta, Flor Chao, previo reparto entre os asistentes dun folleto sobre a obra e vida de Díaz Castro e de escoitar a grabación musicada e cantada por Quenlla de Penélope, o poema máis famoso e dos máis traducidos do poeta lugués.
 
Fotocol do Grupo de teatro ÁRDORA
Logo do discurso de benvida da presidenta, onde resaltou o importante papel das veciñas e veciños como motores dinamizadores e orgullosos defensores da súa lingua no día e día das súas vidas, o público asistente tivo a oportunidade de disfrutar coa nova peza teatral do profesor Francisco Piñeiro, “Xustiza de Lei”, interpretada polo grupo de teatro Árdora, e cuxa actuación foi recibida con grande entusiasmou polo público asistente.
 
Rematado o teatro, o medio cento de convidados sumáronse ao Fotocol da campaña de fomento da lingua “Gustame o Galego” (desenvolta pola CTNL e gañadora do premio Xoán Manuel Pintos-2013) para  axudar a transmitir unha mensaxe positiva a prol do galego facendo visible o seu apoio individual e colectivo ao uso da lingua galega fotografándose con frases como “Gústame o galego ata no carné de identidade”, “Gústame que se faga xustiza co galego”, “que me digan qrt” m8 ;-), “ que me entren en galego ;-)”, “xogar en galego, etc. e que forman parte dos 30 lemas incluídos nesta campaña.
 
Fotocol dun grupo de asistentes á Festa das Letras2014

 

13 Mayo 2014

VII EDICIÓN DA FESTA DO MEDIO NATURAL DA FRAGA DAS SAÍMAS +  

Carmiña e Paco alzáronse co premio do Iº Concurso de Baile Fraga das Saímas, na categoría de parellas, mentras na categoría individual o xurado calificador outorgoulle o premio á Lourdes Cobelo.
 
A  MAXIA  DO MAGO JOGE E A MÚSICA DE VIVARIUM CAUTIVARON AOS ASISTENTES Á VII FESTA DO MEDIO NATURAL ORGANIZADA POLO COLECTIVO “FRAGA DAS SAÍMAS”
 

 O sábado 26 de abril o Centro Socio-cultural de Santo André de Boimente acolleu a celebración da 7ª edición da Festa do Medio Natural organizada pola asociación de mulleres rurais “Fraga das Saímas.

As portas do Centro Socio-cultural de Santo André de Boimente abríronse ás 13.30 horas coa música de Vivarium, mentras as/os convidados ían chegando. Cando xa o salón de baile estaba ateigado de público a Presidenta do colectivo Fraga das Saímas aproveito para darlles a benvida a todos os presentes e agradeceu a boa acollida desta 7ª edición da Festa do Medio Natural coa que o colectivo de mulleres celebraba a chegada da estación primaveral. Durante o seu discurso animou aos presentes a gozar ao máximo deste evento e desvelou ao público que o colectivo Fraga das Saímas ía celebrar, durante a sesión de baile amenizada por Vivarium, o seu Iº Concurso de Baile e animou a participar a todas as/os amantes do baile neste concurso sorpresa que o colectivo xa viña deixando adiviñar en días pasados.
 
Logo do xantar servido polo Restaurante “O Val do Naseiro”, do que deron boa conta os máis de setenta socias, familiares e amigos, o colectivo de mulleres Fraga das Saímas propúxolles aos comensales disfrutar dun espectáculo de ilusionismo, maxia e humor co mago de referencia da Comarca da Mariña, o Mago JOGE, que logrou meterse no bolsillo a todo o público coa súa extraordinaria actuación de maxia, durante a cal fixo partícipe dos seus xogos de ilusionismo a todos os espectadores, logrando interactuar co público con grande éxito. 
 
Rematada a actuación do mago cervense Jorge Manchado, deu comezo a sesión de baile a cargo do grupo Vivarium e con el o Iº Concurso de Baile “Fraga das Saímas”, onde se apuntaron máis de 10 equipos para concursar na categoría de parellas e unhas 20 persoas  para concursar na categoría individual. Logo de bailar cinco estilos de música e dun reñido desempate o xurado calificador, (formado por Mario e Idoya do grupo Vivarium e Flor Chao en representación do colectivo Fraga das Saímas), acordou que o premio deste Iº concurso de baile, na categoría de parellas, fora para Carmiña e Paco e que o premio correspondente á categoría de baile individual fora para Lourdes Cobelo. Os premiados foron agasallados cun diploma e un premio en metálico de 40 € e 20 € respectivamente.
As portas do Centro socio-cultural de Santo André de Boimente pecháronse pasadas as 22.00 horas, logo dunha longa sesión de baile, onde tanto os participantes no concurso de baile coma a actuación musicial do grupo Vivarium foron moi aplaudidos e vitoreados.

13 Mayo 2014

FIN DE SEMANA EN CANTABRIA +  

A DIRECTIVA FRAGA DAS SAÍMAS ABRE O PRAZO PARA APUNTARSE Á VIAXE QUE ESTÁ A ORGANIZAR Á COMARCA DE CANTABRIA
 
As persoas que queiran viaxar coa Asociación Fraga das Saímas e Viajes Lucus a Cantabria para coñecer e gozar das súas fermosas paisaxes, monumentos e lugares de ocio poderán chamar á presidenta para reservar a súa praza. O prazo para inscribirse é ata o 25 de maio. Nos prezos van incluídos TODOS OS GASTOS (hotel, comidas, desprazamento e entradas a museos e viaxe en barco). As habitacións son dobres. A persoa que desexe unha individual terá que aboar un suplemento.
 

 

 Non te quedes sen praza e chámanos xa mesmo! Tfo de contacto: 669 250 948. Esperámosvos!

03 Mayo 2014

NUEVO CURSO DE ZUMBA +  

18 Abril 2014

CEA ANUAL 2014 TEMPO GAÑADO. +  

Como todas sabedes,o pasado 12 de Abril celebramos a cea anual de Tempo Gañado no Restaurante Pedrafurada de Oleiros, con baile incluido e cunha grande asistencia de socias.

    

A nosa Presidenta, Dona Guadalupe Piedrahita Fernández, foi a encargada de entregar un ramo de flores a Dona Olga G. T. en agradecemento polos servizos prestados na súa etapa de Vicepresidenta da Asociación, en nome da Directiva e de todas as socias que compoñen Tempo Gañado.


 

Ésta, pola súa banda, entregoulle á Presidenta un ramo de rosas vermellas, e unha das nosas máis ilustres socias, Dona Adelaida Ojea Rodríguez, agasallou á Presidenta cun precioso centro de calas do seu xardín que ela mesma confeccionou.

Querida Olga: unha forte aperta e todo o noso cariño.

05 Abril 2014

Excursión a Pazo de Oca +  

   .. Y allí que se fueron las mujeres rurales, al Pazo de Oca, situado en la parroquia de Oca que pertenece al municipio de A Estrada provincia de Pontevedra, a culturizarse! como es un bien de interés cultural ..

  

   Según dice la Wikipedia, el Pazo de Oca se encuentra en las Terras do Ulla cerca de la conjunción de los ríos Boo y Mao. Finca estructurada en tres zonas: casa señorial, el jardín y el huerto, al lado la iglesia de San Antonio de Padua construida en el siglo XVIII según se cree por el arquitecto Fray Manuel de los Mártires (Dominico)  y más allá está el entorno agroforestal de la Traga de la Cerrada, la Caballeira de Ouriles y los prados de Su Batan y de los Bardoucos.


  

   Se trata de un edificio de estilo Barroco. Los jardines son de los mejores exponentes de la jardinería en Galicia. Hay boj, camelios, azaleas, palmeras rododendros..
Alrededores con robles,castaños, nogales, abedules ..  Tiene dos estanques llamados de la Virtudes y de las Vanidades. Entre los dos estanques un puente y en el centro de uno de ellos, una isla artificial de piedra en forma de barca plantada con hortensias y decorada con jarrones de porcelana y dos figuras de marineros con cañones. (ya no pongo más a ver si me van a acusar de plagio .... )


  

   Una de las mujeres rurales, fotógrafo casi,casi profesional, se encargó de inmortalizar la visita y el cocidito rico, rico de verdad !!

 
   Un año más, agradecemos a la Diputación de Pontevedra la subvención y los autobuses proporcionados por Viajes Halcón con unos guías de lujo que hicieron que todo fuera más facil.
 

01 Abril 2014

7ª FESTA DO MEDIO NATURAL "FRAGA DAS SAÍMAS" +  

ÁBRESE O PRAZO DE INSCRICIÓN PARA PARTICIPAR NA  7ª FESTA DO MEDIO NATURAL DA "FRAGA DAS SAÍMAS" QUE SE CELEBRARA O SÁBADO 26 DE ABRIL NO CENTRO SOCIO-CULTURAL DE SANTO ANDRÉ DO BOIMENTE. 
 
A Directiva da "Fraga das Saímas" convida a todas as súas socias, familiares, veciños e amigas a participar na celebración da súa 7ª edición da Festa do Medio Natural. Unha ocasión inmellorable para darlle todas as persoas amantes da natureza a benvida á primavera a estas terras do rural da Mariña lucense. 
 
Por motivos organizativos é necesario que ANTES do DÍA 20 de ABRIL as socias, familiares e veciños que desexen ASISTIR AO XANTAR deben chamar  para RESERVAR praza.  
 
As persoas que non acudan ao xantar pero queiran asistir ás ACTIVIDADES LÚDICAS que se van a desenvolver logo do xantar (Actuación do mago GOJE e Baile amenizado polo grupo  musical Vivarium) poden facelo. Entrada de balde.

 

01 Abril 2014

FRAGA DAS SAÍMAS E A SÚA ANDAINA +  

Fraga das Saímas: sete anos de cultura e divertimento

 
Con motivo do sétimo aniversario do colectivo de mulleres “Fraga das Saímas” vimos de botarlle unha ollada á súa andaina, chegando esta case a sorprendernos a nós mesmas ao comprobar as numerosas actividades formativas que, desde a nosa asociación, se desenvolveron ao longo destes anos: charlas sobre saúde, talleres de memoria e risoterapia, cursos de aprendizaxe do uso do móvil, de informática e internet, talleres de manualidades, de arte floral e de cestería artesanal, cursos de baile de salón e de cociña e repostería ao estilo tradicional, etc., ademais de colaborar e participar en diferentes programas e foros da muller, organizados polasadministracións, así como en programas formativos desenvoltos pola comunidade educativa.

No campo da conservación do patrimonio natural e o desenvolvemento sostible do rural,  este colectivo sempre estivo fortemente comprometido e así o demostran as diferentes campañas de sensibilización que levou estes anos, con concursos fotográficos como Fraga das Saímas, Monumento Natural eimaxesRAPAcandaoso, dirixido a todos os aficionados e amantes da natureza maiores de 18 anos; os concursos de debuxo e pintura Descubre a Fraga das Saímas e Paseando pola Fraga das Saímas,  dirixido aos nenos e nenas de Viveiro; o concurso de Ecometraxes Aldeas sustentables. As chaves para un futuro saudable e de calidade; a campaña de deseño e distribución de bolsas ecolóxicas multifuncionais… E, xa neste último ano, o colectivo feminino organizou as súas Iªs Xornadas Micolóxicas nos Montes do Buio e desenvolveu un proxecto experimental de compostaxe caseira, durante o cal tamén se impartiron talleres de reciclaxe de aceites domésticos e de ECOlimpos.

Dentro das actuacións desenvoltas para preservar o patrimonio material, inmaterial e cultural da parroquia, a Directiva deste colectivo amosouse especialmente satisfeita por ter feito realidade unha particular homenaxe ás veciñas e veciños de San Andrés de Boimente a través da edición do Fotolibro e do DVD O Espello das Lembranzas e dunha  exposición fotográfica, co mesmo título, que permanece desde hai tres anos no seu Centro Socio-cultural para goce e disfrute dos visitantes. Así mesmo, Fraga das Saímas, ven de abrir hai uns meses as portas da súa biblioteca veciñal que conta con fondos documentais impresos, audivisuais e unha pequena fonoteca. Tamén está a traballar, en colaboración coa súa socia Luisa Martínez, na recollida da microtoponimia e xenealoxía da parroquia, así como na búsqueda de elementos etnográficos da zona para organizar a montaxe dunha Mostra Etnográfica.

No apartado de actuacións socio-culturais de integración, esta asociación organizou, entre outros, o Programa de sábados de cinema na aldea, a celebración de numerosas edicións da Festa das Letras galegas, do Baile de Farrapulgas, do Día da Socia, da Festa do Medio natural, do Magosto popular e da Festa do Nadal,  así como múltiples actividades conmemorativas polo Día da Muller traballadora e polo Día Internacional contra a violencia machista; desenvolvéndose tamén no marco destas celebracións: Concertos de música con Mini e Mero, Mijail Moriatov, Cánere Son, Tonecho Castelo & Pablo Esqueira, Carmen Rodríguez, Dúo Rosas e Irimia Cantareiras. Representacións teatrais de Axóuxeres, O Bordelo, A Adala e Palimoco Teatro. Espectáculos de maxia co Mago Martín e de títeres con Mircromina e as actuacións de contadores de historias como Avelino Glez, Paula Carballeira, Cándido Pazó ou Pedro Brandariz.

Co Programa Turisteando por Terras lucenses, posto en marcha hai un par de anos por este colectivo, as socias, familiares e amigos de Viveiro visitaron concellos como o de Castro de Rei, Xermade, Outeiro de Rei, A Pontenova ou Ribadeo para profundizar no coñecemento do seu patrimonio industrial, artesanal, histórico e natural. Pero tamén co colectivo  Fraga das Saímas viaxaron ao longo destes anos máis dun cento de persoas  para coñecer as Comarcas de Ribeira Sacra, da Costa da Morte, de Ferrol-Ortegal, das Rías Baixas e mesmo a Comarca da Sidra, o Oviedo histórico Medieval e Portugal.

Moito camiño parece o percorrido, aínda que moito máis camiño é o que queda por andar! e, por iso, toca seguer facendo ese camiño mentras os ánimos e as forzas o permitan e mentras o colectivo Fraga das Saímas sexa quen de transmitir alegría e bo humor á nosa xente.

01 Abril 2014

CELEBRACIÓN DO DÍA DA MULLER +  

01 Abril 2014

FRAGA DAS SAÍMAS ASISTE AO PROGRAMA LUAR +  

MEDIO CENTO DE SOCIAS E AMIGOS DO COLECTIVO “FRAGA DAS SAÍMAS” ACUDIRON AO PROGRAMA DA TVG “LUAR”
 
O colectivo de Mulleres Fraga das Saímas desprazouse este venres ata o plató 100 da TVG, situado en Teo, para participar como público no programa de Luar.
Durante as catro horas de duración do programa as máis de 45 socias, veciños e amigos do colectivo feminino de Santo André de Boimente festexaron o seu particular entroido no Luar onde a festa, a ledicia e a diversión non faltou en ningún momento da noite. Os asistentes disfrutaron con entusiasmo a experiencia de seren eles tamén parte protagonista dun programa televisivo, quedando moi sorprendidos de todo o traballo preparatorio e da labor dos técnicos para a montaxe e a emisión dun programa de variedades como Luar.
Os participantes desta experiencia televisiva bailaron ao ritmo das cancións de Lolita Flores e o grupo Garibaldi, entre outros, e gozaron da música tradicional galega coa Banda de Música de Calo e a agrupación Folclórica Algueirada e do Coro tradicional Cantares do Brión. Tampouco lles faltou o humor do Dr. Bellino e o Sr. Lisardo e do seu paisano de Xove, Roberto Vilar e tamén tiveron ocasión de presenciar o desempate entre os concursantes de Vai de Gaita e os de Tempo de Recantos.
Os cansados pero felices participantes de Luar foron despedidos pola Directiva Fraga das Saímas a súa chegada a Viveiro, pasadas as 4.00 da madrugada, emprazándoos para o Sábado, 8 de marzo no Centro Socio-Cultural de Santo André de Boimente a partir das 17.00 horas para celebrar o Día da Muller Traballadora, durante a cal está prevista unha Maratón de Tute e Brisca e a proxección da película Pan y Rosas.


 

01 Abril 2014

2ª EDICIÓN DO CURSO DE INFORMÁTICA E INTERNET +  

"FRAGA DAS SAÍMAS" ABRE O PRAZO DE MATRÍCULA PARA O CURSO DE INFORMÁTICA E INTERNET
 
A Directiva Fraga das Saímas ven de abrir o prazo de matrícula para todas aquelas socias, amigas e veciños de San Andrés que desexen anotarse na nova edición do Curso de Informática e Internet, que vai comezar o martes, 11 de marzo de 2014, desenvolverase ao longo dos meses de marzo, abril e maio.
 
Este curso correrá por segundo ano consecutivo a cargo da viveirense Natalia González Fernández, Técnica Especialista en Informática de Xestión.
 
 
As persoas interesadas terán de prazo para anotarse nesta actividade ata o  domingo, 2 de marzo de 2014.
 

01 Abril 2014

PROGRAMA DE REDUCIÓN DE RESIDUOS A TRAVÉS DA COMPOSTAXE CASEIRA +  

“FRAGA DAS SAÍMAS” ANIMA AO CONCELLO DE VIVEIRO A DARLLE CONTINUIDADE AO PROGRAMA DE COMPOSTAXE CASEIRA POSTO EN MARCHA NO 2013 POLO COLECTIVO FEMININO NA PARROQUIA DE SAN ANDRÉS DE BOIMENTE 

 

A Asociación de Mulleres Rurais “Fraga das Saímas” ven de presentarlle, o pasado 22 de xaneiro, por escrito á alcaldía de Viveiro unha memoria pormenorizada do desenvolvemento do “Proxecto experimental de redución de residuos e compostaxe caseira” posto en marcha no 2013 polo colectivo de mulleres de San Andrés de Boimente dentro da súa campaña anual de sensibilización e concienciación medioambiental. Proxecto este que ten como fin contribuír á redución dos residuos xerados nas casas, transformando o lixo doméstico, resto de podas, céspede cortado e outros residuos agrícolas nun abono orgánico de gran calidade, seguro e rico en nutrientes para o solo e que se coñece como compost, ao mesmo tempo que se intenta concienciar ás socias e veciños da parroquia da necesidade de reducir o volume de residuos depositados nos contedores convencionais e sensibilizalas/os sobre os beneficios ambientais e económicos do emprego desta técnica de compostaxe caseira. 
 
Coa entrega desta memoria á Alcadía de Viveiro, a Directiva Fraga das Saímas, que comprobou a través do desenvolvemento deste proxecto experimental que a compostaxe caseira é unha práctica moi sinxela e viable na que pode participar todos os membros da familia e onde os beneficios e ventaxas son todas e as desventaxas non existen, quixo aproveitar para animar e propoñer á alcadía de Viveiro estender este Proxecto de Compostaxe Caseira ao resto das parroquias do municipio viveirense, de xeito que todas aquelas familias interesadas en reducir os residuos que xeneran nas súas casas e que van directamente aos contedores convencionais podan solicitar un composteiro familiar e aprender a facer bo uso del a través dun curso de compostaxe.
 
 Ao mesmo tempo a Directiva solicitoulle axuda á rexidora de Viveiro para dotar de composteiros ás veciñas que participaron neste proxecto e que a asociación non lles puido facilitar máis que a tres das catorce mestras composteiras debido a falta de colaboración que se lle solicitara a Sogama, negándose esta a facilitarlles ningún composteiro por tratarse a peticionaria, según esta empresa, dunha asociación e non dunha administración local. 

01 Abril 2014

PROGRAMA DE SAÚDE "SPAbílate Muller" +  

ARRANCA O CIRCUÍTO TERMAL DO PROGRAMA DE SAÚDE “SPAbílate MULLER” ORGANIZADO POLO COLECTIVO “FRAGA DAS SAÍMAS” NO WELLNESS THALASSO CÁNTABRICO AS SIRENAS.
Doce das vinte participantes no programa de saúde  do colectivo feminino “Fraga das Saímas” SPAbílate Muller, déronse cita este domingo 2 de febreiro ás 11.30 h. no Wellness Thalasso Cántabrico As Sirenas.
 
Durante os meses de febreiro e marzo unha vintena de participantes neste programa terapéutico da asociación de mulleres rurais “Fraga das Saímas” acudirán ao circuíto termal do Wellness Thalasso os venres á tarde  e os domingos á mañá onde disfrutarán ao longo  dunha hora e media do Circuíto Termal Thalassoterapia.
 
Este primeiro domingo de febreiro,  un grupo de doce mulleres,  amantes da saúde e da tranquilidade, inauguraron o programa de Fraga das SaímasSPAbílate Muller, acudindo á súa primeira cita coa Thalassoterapia, onde puideron relaxarse e gozar dun jacuzzi, unha piscina terapéutica con chorros, géiser e camas de hidromasaxe e onde disfrutaron tamén dunha zona de estufas, duha hamam (húmeda), dunha sauna seca, dos contrastes con auga fría e dos pediluvios, e completaron o circuito na zona de relax en tumbonas quentes.
 
As participantes neste 1º circuito termal Thalassoterapia remataron cansas pero contentas e satisfeitas logo de probar este método de terapia a base de tratamentos con auga mariña e felicitaronse por contar con estas instalacións no municipio, se ben aproveitaron tamén  para suxerirlle á dirección do Centro a necesidade de dotar dalgún elemento de seguridade (pasamáns...) o Jacuzzi  e a piscina terapéutica para mellorar a accesibilidade das persoas con problemas de equilibrio e dificultade de movementos.
 
A Directiva Fraga das Saímas aproveita para informarlles ás socias e veciños de Viveiro que só quedan 10 prazas libres para anotarse á viaxe programada por este colectivo para asistir como público, o venres 28 de febreiro, ao programa de LUAR da TVG. As persoas interesadas en acudir a este evento teñen que reservar a súa praza antes do luns 10 de febreiro, podendo facelo vía e-mail ou telefonicamente. 

Síguenos en...

 Follow RuraisLAB on Twitter   

Inicio de sesión

RuraisLAB

Mulleres Rurais e desenvolvemento rural

RuraisLAB es un laboratorio ciudadano para la innovación social en el medio rural, basado en las necesidades e inquietudes de la mujer.

 

 

 

 

Mulleres Rurais e desenvolvemento rural

Mujer Rural

Mujer Rural y Desarrollo Rural

Agenda Digital Europea 20202

Agenda Digital Europea

Contacto RuraisLAB