valdalourinha

ELA, muller de hoxe, muller de onte

 

A crise introduce novos elementos na violencia machista. O medo ao comportamento que pode adoptar el, o medo a quedar sen un modo de subsistencia, fai que a víctima aguante, porque ademais, el é o pai dos seu fillos. A este medo que sempre acompañou á muller maltratada no momento de ter que denunciar ao maltratador, hai que engadir a falta de recursos do estado para prestarlle asistencia, por culpa dos agresivos recortes aplicados neste campo. Pero é posible saír desta lacra que é o maltrato ás mulleres. A vida é moi valiosa, e hai que educar aos fillos en igualdade, aprenderlles a usar o diálogo e a razón, e non a forza. E aprender tamén a distinguir o amor doutros sentimentos de sometemento e dependencia.

O sábado día 10 de novembro sairemos a recoller cogumelos ao monte, acompañados de expertos da organización ADENCO. Ás 10h da mañá xuntarémonos no noso local de Sanguiñeda, a donde voltaremos arredor das 13h, para facer unha pequena degustación.

A asociación Val da Louriña organiza unha viaxe a Extremadura para os días 12, 13, 14 de outubro. Visitaremos Cáceres, cidade Patrimonio da Humanidade, para coñecer a súa Catedral, Os Palacios, a Praza Maior. De aí achegarémonos a Mérida, para coñecer a Ponte Romana, O Anfiteatro e o Circo Romano. Seguiralle Badajoz, bañada polas augas do Río Guadiana, donde visitaremos as Murallas, as súas Prazas, a Catedral. Remataremos cunha visita a Guadalupe para entrar no seu Mosteiro.

A imaxe superior móstranos o Teatro de Mérida, e na inferior vemos a Praza Maior de Cáceres.

CHARLA : PRIMEIROS AUXILIOS

O vindeiro xoves día 21 de xuño,  contaremos coa presenza de Begoña Porrit, médico do Centro de Saúde de Mos, para impartir unha charla de Primeiros auxilios, durante a cal tamén faremos prácticas de reanimación. Terá lugar ás 20h no Local veciñal de Sanguiñeda (O Piñeiro), no concello de Mos.

CURSO DE PATCHWORK

En outubro comezaremos o curso de patchwork (retalería artesá), os martes de 17 a 19h, no  local da nosa asociación, cunha duración de 20 horas.

OBRADOIRO DE CESTERIA

Ao remate do verán, realizaremos un obradoiro de cestería dunhas 15-20 horas, sempre que haxa un número axeitado de persoas que queiran participar.

VIAXE A EXTREMADURA

 Na ponte do Pilar, en outubro, viaxaremos a Cáceres, Mérida, Guadalupe, para o que daremos máis información no mes de setembro.

VIAXE A MADRID, ARANJUEZ E TOLEDO

Data: 20 a 22 de abril

Visitaremos a cidade de Madrid, Alcalá de Henares, Toledo e Aranjuez. O día 17 de marzo, no noso local, anotaremos ás persoas interesadas nesta viaxe.

CURSO DE PATCHWORK

Curso de 20 horas, subvencionado polo concello, que comezará no mes de abril, no noso local.

 Prezo: 20€

CURSO DE INFORMÁTICA: INTERNET E CORREO ELECTRÓNICO

Curso de 30 horas subvencionado pola deputación, que tamén comezará en abril, no noso local. 

O prezo é de 6€.

XORNADA GASTRONÓMICA: A COCIÑA VEXETARIANA

Data: sábado 10 de marzo    Hora: 17h    Lugar: Local da asociación

 DIA INTERNACIONAL DA MULLER

Data: domingo 11 de marzo         Hora: 18h       Lugar: Local veciñal O Piñeiro

Acto de recoñecemento ás mulleres emigrantes, representadas por dúas mulleres do noso concello: Norma Pedreda e Antonia Giráldez. Contaremos coa actuación de Marta Quintana e o grupo "Amieiro" da asociación Chan do Bosque.

CURSO DE DANZA ORIENTAL

Data: xoves 8 de marzo    Hora: 20.30h a 21.45h   Lugar: Local da  asociación

 

A asociación Val da Louriña foi a encargada de escenificar o Belén vivente para a Cabalgata de Reis do Concello de Mos, que tivo lugar o pasado 5 de xaneiro.

Amosamos algunhas imaxes do Presebre vivente, dos Reis Magos e da carroza gañadora do primeiro premio.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

A Asociación Val da Louriña deséxavos o mellor para o ano 2012.

O sábado día 10 de decembro teremos a Cea de Nadal da Asociación Val da Louriña. Este ano será no Restaurante Alfonso I de Tui. Ademais de compartir unha exquisita cea, contaremos cun grupo musical para o baile, e faremos sorteo de agasallos entre as socias. Disporemos dun autobús que percorrerá os puntos de costume. Aínda hai tempo para anotarse ata o mércores día 7. 

 

O pasado sábado, Val da Louriña organizou unha saída micolóxica. Logo de ter levado a cabo varios cursos de micoloxía con moi boa acollida, decidimos facer este ano unha xornada, acompañados dun experto, Anxo Saborido. Percorremos o monte durante a mañá, para rematar no local expondo as diversas especies de cogumelos recollidas e identificando novamente os compoñentes da nosa "colleita". Non houbo cantidade aínda que sí atopamos variedade que nos servíu para aprender un pouco máis a recoñecer os diferentes cogumelos da zona.

 Ao rematar agardábanos unha empanada de Cantarellus, un viño e doces.

 

 

 

 

 

 

 

 

 

A asociación Val da Louriña celebrou no seu local de Sanguiñeda unha charla sobre Primeiros auxilios e Soporte Vital Básico. Estivo impartida por Begoña Porrit, médico do Centro de Saúde de Mos, e resultou ser un éxito, tanto pola participación de socias como de público en xeral.

A doutura Porrit explicou os catro pasos que hai que dar ante unha situación de :

• Previr: tabaco, alcol, colesterol e outros factores provocan situacións de risco.
• Protexer: Antes de axudar a alguén hai que poñerse a salvo de máis riscos, tanto para o ferido como para a persoa que auxilia
• Avisar: ao Servizo de emerxencias
• Socorrer: á persoa que está en perigo mentres agardamos polos servizos sanitarios.

Fixo un breve repaso polas actuacións a realizar no caso de feridas, hemorraxias, picaduras, fracturas, queimaduras, asfixia, etc.

Donde máis tempo empregou foi en explicar, e mesmo practicar, a reanimación cardiopulmonar (RCP). O protocolo actual indica ciclos de 30 compresións torácicas e 2 respiracións ata que cheguen os Servizos de emerxencias.

 

 

 

 

 

 

 

 

 

 

 

 

A viaxe a Asturias que levou a cabo a Asociación Val da Louriña deixou satisfeitas a todas as persoas que participaron; con bo tempo, bonitas paisaxes e boas comidas, os participantes pasaron unha agradable fin de semana.

 

De camiño a Asturias, houbo unha parada na Praia das Catedrais, lugar que sempre vale a pena visitar.

 

 

 

 

 

Ao chegar a Fuente Dé houbo que lle botar valor e montar no teleférico, para poder gozar das vistas que ofrecía o lugar.

 

 

 

 

 

 

 

 

 

E xa nos Picos de Europa as paisaxes que se poden contemplar, e os sendeiros que se poden percorrer, fan que este lugar sexa merecedor da visita.

 

 

 

 

 

 

 

 

 

 

 

 

Neste mes de novembro a oferta é moi variada. Ademais das actividades permanentes (pilates, ximnasia, labores, lencería de fogar, teatro, pintura e manualidades), este mes teremos outras novas.

• Viaxe a Cambados, con visita ao conxunto histórico da vila, a o museo do viño, a unha adega e un muíño, subvencionada pola deputación.
• Curso de 10 horas de arcilla polimérica para facer agasallos para o Nadal (pulseiras, colares, adornos).
• Charla de saúde: "Primeiros auxilios no fogar e na estrada" impartida por unha doutora do Centro de Saúde de Mos, o xoves 17 de novembro ás 19.30h.
• Xornada micolóxica, o sábado 19 de novembro pola mañá, que rematará cunha degustación.
• Tamén estamos preparando a Cea de Nadal, con baile e sorteo de agasallos.

A situación da muller no rural non ten, hoxe en día, nada que ver coa que vivian as nosas nais, nin coa que nós mesmas vivimos hai dúas ou tres décadas. Está claro que houbo unha mellora, pero tamén que queda moitísimo por facer. As asociacións, en xeral, e as de mulleres rurais en particular, xogan un papel moi importante, achegando a moitas mulleres unha serie de actividades que doutro xeito lle serían moi difíciles de realizar. A vida no rural mellorou tamén grazas ao uso das novas tecnoloxías, que permiten ter información, mercar, ou pedir cita no médico a través de internet, por moi lonxe que esteas da cidade. Establecerse como familia no rural non é doado, sobre todo se estamos acostumados a telo todo a man: as compras, o médico, o cine e o colexio dos nenos. Nos últimos anos xurdiron alternativas varias para poder facer do rural o medio de vida, como a agricultura ecolóxica, o turismo rural... En moitos casos a volta ao rural dase por non poder mercar vivenda na cidade; noutros, por buscar un pouco de tranquilidade ao remate da xornada laboral; algúns, para facer da agricultura, do turismo ou da gandería o seu medio de vida. Para que as pequenas aldeas non desaparezan, é preciso contar cunhas boas comunicacións; cómpre tamén recibir axudas para rehabilitar as vivendas; e como no, axudas tamén para poder establecer pequenas empresas agrícolas ou gandeiras. E, finalmente, é imprescindible parar a desfeita que os gobernantes fan dalgunhas zonas rurais, por ese empeño en enchernos o país de asfalto e viaductos, construíndo autovías e autoestradas sen criterio racional. É precisa a colaboración das distintas administracións para pór en valor o rural.