Val da Louriña prepara outra obra de teatro

31 January 2010

O grupo de teatro da asociación Val da Louriña, "Mistura", naceu nun curso de teatro subvencionado polo concello no ano 2006. Monse, a monitora, conseguíu que daquel curso saíra primeira representación, unha adaptación da obra "Os cravos de prata", que foi estreada no local do Chan do Bosque a comezos do ano 2007. Aínda que parte das súas compoñentes se foron do grupo, ao mesmo tempo, outras se foron incorporando.

O ano 2009 foi o máis produtivo para o grupo: Fixeron unha adaptación de "O enfermo imaxinario" que foi representada no Pazo de Mos; posteriormente levaron a obra por varios locais sociais do concello (Louredo, Cela, Herville, Peinador, Amieirolongo).

Monse, a monitora, fai o reparto de papeis

Agora xa están centrados no estudo dunha nova obra que nos ofrecerán ao longo deste 2010.

As compoñentes ollean o texto da nova obra