Máis citas para o Día Contra a Violencia de Xénero

CIM SANTA COMBA

11:30 - Espectáculo de Títeres " Elba e Marcos e os xoguetes encantados" Espectáculo sobre a igualdade, dirixido aos rapaces e rapazas dos diferentes centros educativos do

Concello de Santa Comba 22:00 - Acto Homenaxe Proxección dunha montaxe e unha performance sobre a violencia de xénero a cargo do grupo de teatro municipal.

A partir do 28, porase en marcha no IES "Terra de Xallas" varios obradoiros de habilidades sociais e resolución de conflictos.

Conta-contos, no que se contará ós nenos a historia de "Arturo e Clementina", dúas tortugas que se namoran, pero que acaban separadas porque Arturo non lle permite a Clementina facer nada, nin saír da casa....etc, e ela finalmente acaba marchando. A historia trata a parte posesiva e de malltrato psicolóxico que caracteriza á violencia de xénero, e serviranos como base para adentrarnos no tema e poder así explicarlle ós nenos e nenas a que se debe a existencia do día Internaciónal contra a Violencia de Xénero.

Nunha segunda parte, tras dialogar cos nenos e propoñerlle preguntas que inviten á reflexión sobre o conto e o que ocorre nel, estes, farán uns debuxos sobre o conto, no que se representen todas as escenas do mesmo. Con eses debuxos, realizaremos un mural, no que ademais incluiremos diferenres frases e imaxes en favor do bo trato entre as persoas. As actividades desenvolveranse nas ociotecas, punto de reunión de moitos nenos e nenas de entre 3 e 14 anos.

CIM DE MACEDA

Día 25 de novembro

Entre as 10:00 e as 12:00 horas.

Mesa informativa da campaña de lazo branco “Homes de Maceda contra a Violencia de Xénero”, na Praza das Toldas.

Ás 12:00 horas na mesma praza, Roda de Homes contra a Violencia de Xénero, minuto de silencio e lectura de manifesto.

Día 26 de novembro

Ás 16:00 horas acto conmemorativo no Salón de Plenos do Concello. Neste acto exporanse as iniciativas que se están a desenvolver dende o Centro de Información ás Mulleres, e presentarase unha representación teatral a cargo do Obradoiro de Teatro que se está a desenvolver no CEIP de Maceda, coa colaboración da Escola Municipal de Música.

Ás 17:00 horas (aproximadamente) saída da 4ª Andaina contra a Violencia de Xénero, polo paseo fluvial.

Ás 18:30 horas (aproximadamente) chocolate para as persoas participantes na Praza das Toldas.

Do 21 ó 28 de novembro

Exposición dos carteis elaborados polo alumnado de 6º de primaria do colexio de Maceda para o 5º Certame de Carteis contra a Violencia de Xénero. Tamén se levaron a cabo Obradoiros de Educación en Igualdade e Prevención da Violencia nos centros educativos da localidade.

REDE VECIÑAL DE MULLERES DE VIGO

Con motivo do día 25 de novembro, día internacional contra a violencia de xénero, a Rede non realizará a concentración mensual do último xoves de mes diante do museo MARCO. estaremos o venres, día 25, na manifestación contra a violencia de xénero que sae dende o Marco ás 20.00.