valdalourinha

A asociación Val da Louriña foi a encargada de escenificar o Belén vivente para a Cabalgata de Reis do Concello de Mos, que tivo lugar o pasado 5 de xaneiro.

Amosamos algunhas imaxes do Presebre vivente, dos Reis Magos e da carroza gañadora do primeiro premio.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

A Asociación Val da Louriña deséxavos o mellor para o ano 2012.

O sábado día 10 de decembro teremos a Cea de Nadal da Asociación Val da Louriña. Este ano será no Restaurante Alfonso I de Tui. Ademais de compartir unha exquisita cea, contaremos cun grupo musical para o baile, e faremos sorteo de agasallos entre as socias. Disporemos dun autobús que percorrerá os puntos de costume. Aínda hai tempo para anotarse ata o mércores día 7. 

 

O pasado sábado, Val da Louriña organizou unha saída micolóxica. Logo de ter levado a cabo varios cursos de micoloxía con moi boa acollida, decidimos facer este ano unha xornada, acompañados dun experto, Anxo Saborido. Percorremos o monte durante a mañá, para rematar no local expondo as diversas especies de cogumelos recollidas e identificando novamente os compoñentes da nosa "colleita". Non houbo cantidade aínda que sí atopamos variedade que nos servíu para aprender un pouco máis a recoñecer os diferentes cogumelos da zona.

 Ao rematar agardábanos unha empanada de Cantarellus, un viño e doces.

 

 

 

 

 

 

 

 

 

A asociación Val da Louriña celebrou no seu local de Sanguiñeda unha charla sobre Primeiros auxilios e Soporte Vital Básico. Estivo impartida por Begoña Porrit, médico do Centro de Saúde de Mos, e resultou ser un éxito, tanto pola participación de socias como de público en xeral.

A doutura Porrit explicou os catro pasos que hai que dar ante unha situación de :

• Previr: tabaco, alcol, colesterol e outros factores provocan situacións de risco.
• Protexer: Antes de axudar a alguén hai que poñerse a salvo de máis riscos, tanto para o ferido como para a persoa que auxilia
• Avisar: ao Servizo de emerxencias
• Socorrer: á persoa que está en perigo mentres agardamos polos servizos sanitarios.

Fixo un breve repaso polas actuacións a realizar no caso de feridas, hemorraxias, picaduras, fracturas, queimaduras, asfixia, etc.

Donde máis tempo empregou foi en explicar, e mesmo practicar, a reanimación cardiopulmonar (RCP). O protocolo actual indica ciclos de 30 compresións torácicas e 2 respiracións ata que cheguen os Servizos de emerxencias.

 

 

 

 

 

 

 

 

 

 

 

 

A viaxe a Asturias que levou a cabo a Asociación Val da Louriña deixou satisfeitas a todas as persoas que participaron; con bo tempo, bonitas paisaxes e boas comidas, os participantes pasaron unha agradable fin de semana.

 

De camiño a Asturias, houbo unha parada na Praia das Catedrais, lugar que sempre vale a pena visitar.

 

 

 

 

 

Ao chegar a Fuente Dé houbo que lle botar valor e montar no teleférico, para poder gozar das vistas que ofrecía o lugar.

 

 

 

 

 

 

 

 

 

E xa nos Picos de Europa as paisaxes que se poden contemplar, e os sendeiros que se poden percorrer, fan que este lugar sexa merecedor da visita.

 

 

 

 

 

 

 

 

 

 

 

 

Neste mes de novembro a oferta é moi variada. Ademais das actividades permanentes (pilates, ximnasia, labores, lencería de fogar, teatro, pintura e manualidades), este mes teremos outras novas.

• Viaxe a Cambados, con visita ao conxunto histórico da vila, a o museo do viño, a unha adega e un muíño, subvencionada pola deputación.
• Curso de 10 horas de arcilla polimérica para facer agasallos para o Nadal (pulseiras, colares, adornos).
• Charla de saúde: "Primeiros auxilios no fogar e na estrada" impartida por unha doutora do Centro de Saúde de Mos, o xoves 17 de novembro ás 19.30h.
• Xornada micolóxica, o sábado 19 de novembro pola mañá, que rematará cunha degustación.
• Tamén estamos preparando a Cea de Nadal, con baile e sorteo de agasallos.

A situación da muller no rural non ten, hoxe en día, nada que ver coa que vivian as nosas nais, nin coa que nós mesmas vivimos hai dúas ou tres décadas. Está claro que houbo unha mellora, pero tamén que queda moitísimo por facer. As asociacións, en xeral, e as de mulleres rurais en particular, xogan un papel moi importante, achegando a moitas mulleres unha serie de actividades que doutro xeito lle serían moi difíciles de realizar. A vida no rural mellorou tamén grazas ao uso das novas tecnoloxías, que permiten ter información, mercar, ou pedir cita no médico a través de internet, por moi lonxe que esteas da cidade. Establecerse como familia no rural non é doado, sobre todo se estamos acostumados a telo todo a man: as compras, o médico, o cine e o colexio dos nenos. Nos últimos anos xurdiron alternativas varias para poder facer do rural o medio de vida, como a agricultura ecolóxica, o turismo rural... En moitos casos a volta ao rural dase por non poder mercar vivenda na cidade; noutros, por buscar un pouco de tranquilidade ao remate da xornada laboral; algúns, para facer da agricultura, do turismo ou da gandería o seu medio de vida. Para que as pequenas aldeas non desaparezan, é preciso contar cunhas boas comunicacións; cómpre tamén recibir axudas para rehabilitar as vivendas; e como no, axudas tamén para poder establecer pequenas empresas agrícolas ou gandeiras. E, finalmente, é imprescindible parar a desfeita que os gobernantes fan dalgunhas zonas rurais, por ese empeño en enchernos o país de asfalto e viaductos, construíndo autovías e autoestradas sen criterio racional. É precisa a colaboración das distintas administracións para pór en valor o rural.

Debido ao escaso número de participantes para o curso de micoloxía, tivemos que cambialo por un de cociña.

 CURSO DE COCIÑA

 Curso de 20 hora subvencionado polo concello, que comezará o martes 11 de outubro. Se resides en Mos ou pertences a unha asociación do noso concello, aínda estás a tempo para anotarte.

 Ademais, tamén comezan os cursos permanentes : Repuxado en coiro, Pilates, Labores (é de balde), Ximnasia, Bolillos ( que inclúe ganchillo, macramé, vainica e filtiré), Lencería de fogar, Teatro, Pintura e manualidades (con nova monitora).

A asociación MMRR Val da Louriña de Mos comeza as súas actividades despois dun mes de agosto de vacacións.

VIAXE A ASTURIAS: Cudillero, Ribadesella, Oviedo, Gijón, Potes, Fuente Dé.  Anotarse o sábado, 10 de setembro, pola tarde, no local .

CURSOS PERMANENTES

Pilates, Repuxado en coiro, Labores, Ximnasia, Encaixe de bolillos, Teatro, Pintura.

ACTUACIÓN DO GRUPO DE TEATRO

O grupo "Mistura", representará unha adaptación da obra "Maribel e a estrana familia", no Chan do Bosque (Sanguiñeda), o día 16 de setembro, ás 21.30h.

 

 

 

 

 

CURSO DE MICOLOXÍA

Curso de 20 h subvencionado polo concello, que comezará no mes de outubro.

A Directiva de Val da Louriña vai tomar este mes de agosto de vacacións no que respecta ás actividades da asociación. É tempo de desconectar un pouco da actividade do resto do ano: é tempo de descansar, de viaxar, de praia... cada quen elixirá o que máis lle agrade, ou aquilo que estea ao seu alcance, e fagamos o que fagamos durante o verán, chegaremos á nova temporada con máis enerxía e máis ganas de traballar.

 

Aproveitarei para presentarvos ás compoñentes actuais: De esquerda á dereita, sentadas, Julia (que se incorporou este ano), Conchi (que nos tivo abandonadas durante un tempo para ser mamá), Mª Carmen (vicesecretaria), Isabel (secretaria), Pilar (vicepresidenta), Flori (tesoureira desde o comezo da asociación); de pé, de esquerda á dereita, Mariví (presidenta), Mucha (vogal) e Alicia( que tamén se incorporou este ano).

Esta xuntanza marcou o inicio dun mes sen ningunha actividade; voltaremos a comezos de setembro cunha viaxe e as actividades cotiás.

Que teñades un bo verán!!!

Unha das últimas actividades da Asociación Val da Louriña, antes dunhas pequenas vacacións de verán, foi unha excursión a Portugal. Foi un percorrido por Amarante, Peñafiel e Caldas de Vizela. Máis de 100 socias e acompañantes compartiron un día de visitas e gastronomía. Nesta excursión a asociación subvencionou o transporte, axudada pola empresa que realizou a viaxe.

 

 

 

 

 

 

 

 

 

 

 

 

 

 

 

 

 

 

Entre as visitas realizadas están a Igrexa e o Convento de San Gonzalo, así como as fontes, en Amarante. Outra das visitas foi ao Parque das Termas, en Caldas de Vizela.

Xa estamos traballando na próxima viaxe, e poderiamos volver a Portugal, pero cunha estancia de varios días.

Os nosos maiores teñen un papel moi activo na nosa sociedade: son "canguros" dos nosos fillos, cociñan para eles e tamén para nós, lévanos ao médico, e ata van ás xuntanzas das ANPAS nalgunha ocasión. Cando xa non poden facer estas tarefas, ou os nenos xa medraron, comezan a convertirse nun problema. Non somos quén de intentar facer por eles, un pouco si quera, do que eles fixeron por nós.

É verdade que a sociedade cambiou moito, que a vida de agora non se parece nada á que levaron eles ( nin no bo nin no malo); a sociedade actual aínda non está preparada para atender aos nosos maiores do mesmo xeito que atendemos aos nosos nenos. Desde a incorporación da muller ao mundo laboral sufrimos esa eiva na sociedade; ela coidaba dos pais, dos sogros e dalgún outro parente se era preciso. Todos podemos dispór dunha gardería para os cativos e así poder ir traballar tranquilamente, pero non dispomos de centros de día para os nosos maiores dependientes, e os poucos que hai son tan caros que non pode calquera persoa facerse cargo deste custo. Tampouco hai que esquecer que, ás veces, se converten nun simple negocio para especuladores sen escrúpulos, que os teñen nalgunhas residencias sen as mínimas garantías.

Os maiores son unha referencia para nós, son como libros cheos de experiencias, de moitos valores tan pouco cotizados hoxe en día, e, case sempre, dispostos a dar cariño ... eles que ás veces, tanto o necesitan.

O sábado 18 e  domingo 19 tivo lugar o rastrillo da Asociación Val da Louriña para recadar fondos para o Banco de alimentos de Vigo.  Ademais de recadar diñeiro pola venda dos traballos expostos, tamén recollemos alimentos. O representante desta fundación  recolleu, ao remate do domingo, tanto os alimentos como o importe recadado. Éstas son algunhas imaxes deste acto.

A asociación MMRR Val da Louriña de Mos celebra o vindeiro fin de semana, 18 e 19 de xuño, un rastrillo para recadar fondos para o Banco de alimentos de Vigo. Cada ano destinamos o importe recollido a unha asociación sen animo de lucro ou ONG; este ano consideramos que, dadas as dificultades económicas que moitas persoas están padecendo, axudar ao Banco de alimentos sería o máis axeitado. O horario de apertura será: o sábado , de 6 a 9h da noite; o domingo de 11 a 13h e de 6 a 9h da noite. O lugar, como cada ano, será a casa restaurada do Mesón Argentino, en Sanguiñeda, que amablemente nos cede para este fin.

Alí  exporánse e venderánse os traballos doados polas socias. Tamén se recollerán alimentos non perecedeiros, no caso de que algunha persoa desexe colaborar deste xeito. Achégate ata alí e colabora.