RSS

conectadasomundo

17 Febrero 2012

ANIMACIÓN A LECTURA 3  

 

VOLTEMOS A LER
 
¡Que nos esquecemos!, vamos a recomendarvos un libro e despois xa sabedes: ¡quedamos para comentar!


El JUEGO DEL ANGEL
Autor: Carlos Ruiz Zafón

Argumento:
Na turbulenta Barcelona dos años 20 un xoven escritor obsesionado cun amor imposible recibe unha oferta dun misterioso editor para escribir un libro, a cambio dunha fortuna e, tal vez, moito mais..........

17 Febrero 2012

REMATE DO CURSO DE XABÓNS "SAN MARTÍN DE ESPIÑOSO" 4  

 

REMATE do I Curso de Xabóns
 
Remate da formación do Curso de Xabóns Naturais e Terapéuticos. na Asoc. de Mulleres Rurais San Martín de Espiñoso.
Para peche do mesmo, ademais da clase remate co xabón de chocolate e menta, se fixo a entrega de diplomas as amigas que participaron durante estes tres meses no curso, logrando manter a participación, socialización, convivencia e un espazo de actividade para todas as compañeiras. 
En nome de FEMURO. ¡grazas pola vosa acollida!.

17 Febrero 2012

CURSOS DE GALEGO 1  

 

CELGA
 
A Aula Conectad@s ó Mundo (FEMURO), ten solicitado o curso formativo para o CELGA IV. No que previamente se inscribirán 28 persoas e que de forma posterior a Concelleria de educación do Concello do Carballiño aumentou o listado en 8 persoas mais. 
A espera da resolución, xa vos daremos a información pertinente.

17 Febrero 2012

CURSO DE XABÓNS NATURAIS 6  

 

Cursos de Xabóns naturais e terapéuticos en San Martín de Espiñoso
 
O pasado luns a alcaldesa de Cartelle (Carmen Leyte) realizou unha visita á Asociación de Mulleres Rurais "San Martín de Espiñoso" pertecente a FEMURO, durante o seu curso de Xabóns naturais, que imparte a devandita federación.

17 Febrero 2012

CURSO DE XABÓNS NATURAIS 2  

 

Xabóns naturais, balsamos labiais
 
Curso de Xabóns naturais e terapeuticos.
Balsamos labiais.
Preparación de xabóns con aceites reciclados, para lavadora.


As asociacións de Mulleres da Comarca de Carballiño seguen a participar nas formacions dos cursos que dende a aula Conectad@s ó Mundo-FEMURO se estan a impartir.
Socialización, amizade, aprendizaxe.

17 Febrero 2012

CANTIGAS RECOLLIDA NO LIBRO "RECORDOS NO TEMPO" 3  

 

CANTIGAS
 
CANTIGAS
(Recollidas na Asoc. Novas Vivenzas)

A vida do carreteiro,
non hai vida como ela,
a semás no camiño
o domingo na taberna.


O ferreiro foi á misa
non soubo decir o credo,
cando tocaron a santos
acordóuselle o martelo.

Canteiros e carpinteiros,
da Vila de Pontevedra
aquí falta unha rapaza,
tendes que dr conta dela.

Un cesteiro anda tras min
eu fuxindo do cesteiro,
ando co feixe das varas
e por non tentar ao demo.

Mariquiña tecedeira
namorada dun galán,
ten un pé na prendedeira
e a lanzadeira na man

17 Febrero 2012

CURSO DE RELAXACIÓN MÚSICOTERAPIA +  

 

Relaxate coa Música
 
Actividade que da comezó o día 16 se xaneiro, na asociación de Mulleres Rurais "A Revolta".

Emprego de técnicas para a mellora:

Mellora da Respiración.
Mellora da concentración.
Mellora da Relaxación........



Impartido por persoal cualificado e colexiado.
Subvención do Secretaria Xeral de Igualdade
Organizado por FEMURO

17 Febrero 2012

CURSOS DE ALFABETIZACIÓN DIXITAL +  

 

COMENZO CURSOS DE ALFABETIZACIÓN
 
Damos comezo na Aula Conectad@s ó Mundo de FEMURO, os novos cursos de alfabetización dixital do ano 2012.
CURSOS
• Introdución.
• Iniciación o Word.
• Word Avanzado.
• Excel.
• Power Point, Publisher.....
• Introdución a redes sociais (Facebook, Tuenti, Twiter…)
• Emprego de Messenger…

Horarios de maña e tarde.
Información: Punto de encontro . Tlf: 988/272668

17 Febrero 2012

Música +  

  A asociación "A Madanela", preparou panxoliñas para este pasado Nadal e cantigas de Reis, unha actividade que non se levaba a cabo na asociación, nin tampouco a nivel parroquial, e na que a asociación de Mulleres abriu o ámbito de participación e os compañeiros tamén entonaron as cantigas.

2883
Ensaio de Música "A Madanela"

 

17 Febrero 2012

LUDOTECA DE NADAL +  

20 Diciembre 2011

VIII FORO DA IGUALDADE 1  


Música: El arrebato

VIII Foro de FEMURO coa temática "Muller rural e violencia se xénero", que se desenvolveu na residencia do tempo libre de Panxón

20 Diciembre 2011

VIII FORO DA IGUALDADE 1  

VIII FORO DA IGUALDADE.
Panxón, 5 e 6 novembro



Os días 5 e 6 de novembro de 2011, a Federación Provincial de MM.RR de Ourense (FEMURO) organizou a oitava edición do Foro da Igualdade, que este ano tivo lugar na Residencia de Tempo Libre de Panxón (Xunta de Galicia), e aglutina un total de 150 participantes das asociacions de Mulleres Rurais.
Como cada ano, este foro pretendeu ser un espazo de reunión entre as mulleres rurais da provincia de Ourense, e tivo como finalidade visibilizar e reforzar o traballo que veñen realizando as entidades a favor da igualdade de mulleres e homes, así como mostrar e impulsar iniciativas que favorezan a igualdade real, xa que a aportación das mulleres, neste senso é imprescindible para que a igualde sexa un feito palpable.

Este ano, o seu eixe central baseabase na temática “Muller rural e violencia”, coa conferencia a cargo de Purificación Álvarez Villamarín da “Unidade contra a Violencia contra a muller”

Así mesmo, conxugaronse dinámicas grupais de debate sobre este tema, onde as 150 participantes coñeceranse e reflexionarán sobre o traballado durante o día. Pola noite levouse a cabo unha velada de confraternidade e degustación de productos da terra, na que as socias participantes foron as únicas protagonistas e actoras.

O domingo 6 disfrutamos da representación teatral da obra: “Xenitais” protagonizada polo grupo Zarabanda, moi acordo co tema tratado no foro.

18 Octubre 2011

Fotos da Celebración do Día da Muller Rural 2011 1  

 

 

18 Octubre 2011

Celebración do Día da Muller Rural 3  

 

Día da Muller Rural en Allariz
 

Celebrouse en Allariz o Día da Muller Rural


 
A Asociación de Mulleres Rurais “Silvardeira” organizou este ano, xunto co Concello de Allariz, o acto de celebración do “Día Muller Rural”. Nesta ocasión, máis de 400 mulleres de todas as comarcas da provincia de Ourense, pertencentes a distintas Asociacións de Mulleres Rurais e integradas na Federación Provincial de Mulleres Rurais de Ourense (FEMURO), visitaron a localidade de Allariz o sábado 8 de outubro, con motivo da conmemoración desta data. 

As actividades comezaron ás 11:00 h. coa chegada das Asociacións ao Campo da Barreira, tras a recepción visitarán o pobo de Allariz guiadas polas socias da “Silvardeira” e acudiron ao Festival Internacional de Xardins 2011. A continuación tivo lugar unha comida de confraternidade no restaurante do Fogar do Maior, comida que estivo amenizada polas actuacións do Coro de Mulleres de Allariz e un grupo de gaiteiros. No acto tamén estiveron presentes o alcalde de Allariz, a presidenta de Femuro e a presidenta da Asociación de Mulleres Rurais “Silvardeira”. 

O “Día da Muller Rural” conmemora a loita da muller pola súa participación na sociedade en todos os ámbitos, pretende facer visible o papel das mulleres rurais no desenvolvemento económico e social do medio rural así como na promoción da igualdade de oportunidades. A escasa valorización da súa contribución o desenvolvemento dos nosos pobos é a principal fonte de discriminación que sufren as mulleres que pertencen o medio rural, por iso trátase tamén de recordarlle os gobernos que a necesidade de políticas públicas encamiñadas a potenciar e visibilizar as súas capacidades, e hoxe unha obriga mundialmente recoñecida. 

Tamén un  dos obxectivo é visivilizar o medio rural a través da visita de todas as participantes o pobo de Allariz, coñecendo de primeira mao, das mulleres que alí viven, a beleza que ten o rural e as inciativas que levan a cabo

23 Septiembre 2011

II Curso Formativo-Preparatorio de Competencias Clave +  

 A Federación Provincial de Mulleres Rurais de Ourense (FEMURO), comeza  o PROGRAMA Formativo-Preparatorio para a obtención de Competencias Clave de nivel 2.

A Federación Provincial de Mulleres Rurais de Ourense dende os seus comezos ten entre os seus fundamentos a loita contra a Exclusión. Na busca de mellorar a situación das persoas e obter a formación axeitada; se realiza de novo, o curso formativo que da acceso os distintos certificados de profesionalidade.

Esta formación busca a preparación dos usuarios/as nas distintas areas das probas convocadas pola Consellería de Traballado e Benestar  que se desenvolven en datas sinaladas, no recinto feiral de Silleda, e que dan acceso os certificados de nivel II ou III (según sexa o caso), demostrando coa calificación de Apto o nivel obtido en cada competencia.

O programa formativo,  se vai levar a  cabo no Centro Comarcal do  Carballiño dende o  día 3 de outubro ata o 9 de decembro,  e na aula Conectad@s ó mundo de

2469
 en horario matinal; está subvencionado polo Fondo Social Europeo e a Xunta de Galicia (Consellería de Traballo e Benestar) dentro II Plan de Inclusión Social de Galicia en coordinación coa equipa comarcal.

O proxecto é a segunda experiencia de FEMURO na vila de Carballiño, en canto a formación de Competencias;  no ano 2010  os alumnos/as realizaron a formación e pasaron  as probas pertinentes a comezos do 2011, obtendo cualificacións de aptos e accedendo os distintos certificados de profesionalidade ou formacións de nivel II.

O programa  que se vai a desenvolver foi adaptado os contidos nas competencias clave de:

Lingua Castelá, Lingua Galega, Matemáticas, Dixital e Tecnoloxía.